Contenido de la nueva página

Waljaniskaraktana, walja qurinakasasa utjaskarakistu, kunatsa t’aqisiskañani?

Qillqiri: Franz Laime P.
 
Wakisispawa jiwaspacha uñkatasiña, uñt’asiña, jiwaspacha lup’iña kunjamasa wawanakasa jakasipkisa, junjamasa sarnaqasipkixa, kunjamasa markasaxa t’aqisiski, kunjamasa q’aranakaxa mayacht’asipxi. Amuyusarjama phuqhañani, uka amuyt’awimpi ch’amanchasiñanixa taqinisa taqi qamasampi sartañanixa jilata kullakanakasampi, ma amtampiki, jani t’aqanuqasisa, p’iqi chuyma ch’amanchasisina, wakicht’asisina, yatxatasina, taqpacha kamachinakata, convenios internacionales, yaqhanakampi, sumpacha markasa irptañataki.

 

Sumpacha arxayt’añataki, ma arunxa sanñani, jani amanuki jiwañaru puriñataki, walja maranakawa jiwañaruki, jiwañatakiki irpirinaksaxa p’iqi amuyt’ayistu. Jiskt’asiñani jilata kullakanaka, kunasa jani walixa jiwasanakanja? Waljaniskaraktansa, Kunatsa t’aqxtawinakaxa utji jiwasanakana? kunatsa ch’axwawinakanxa jupanakaxa chhaqharapxi jiwasaki jirasktanxa? Jiwasaruki illapt’asipkistu? Kunatsa jiliri irpirinakasaxa jani markasa irpxarañaru puripxija? ¡¿Kunasa jani utjistu?!

 

Janjamakiwa utjkistuti ma sumpacha p’iqinchirisaxa, inasa uka irpirixa anchitaxa wakichat’asiskchi yatiqaña utanakana, inasa jiwasa mara sasinakasampixa jani kunsa jiqxatawiykchiñaniti, inasa jiwasanakaxa jani uñjchiñaniti jupanakaru markasa p’iqinchayiri jutiri maranakana, inasa jani uñjchiñaniti markasana sartawipa, janixaya wiñay jakirikstantixa, ukampisa jichatpacha juk’ampi jariyt’asipkakiñani wawanakasaru juk’mpi yatxtapxañapataki. Jupanakataki thakhi askicht’askakiñani, jasaki markasa irpxaraña puripxañapataki.

 

Waljaniskaraktana, walja qurinakasasa utjaskarakistu, kunatsa t’aqisiskañani?